ठग्गाले बडका भलमन्सालाई
धर्कावाला सेतो पाइजामा
र सेतो जुत्तामा आँगनमा
घुम्दै गरेको देखे र सोधे-

ए काका ! धोती नलगाएर
यो के लगाएको ?
उमेरको ख्याल छैन ?

भलमन्साले भने- भतिज
मैले बुझेको छु
समय बदलिएको छ
समयअनुसार हिँड्न सिक्नुपर्छ

क्रान्तिकारी छलाङ मार्नुपर्छ
भनेको मैले हाम्रा मने कमरेडको
महान विचार सम्झें

मैले अहिले आएर बुझें
र, त्यसलाई लागू गरें

भतिज अब मैले मात्रै होइन
तिमीहरू र भलमन्सिनियाले पनि
यस्तै लुगा लगाउनुपर्छ
त्यसपछि मात्रै
गाउँले पनि गज्जबको विकास गर्ने छ !