बडका भलमन्सा बडा परेशान छन्
बजारको महँगी धानी नसक्नु छ
त्यसबाट जोगिन
पारि सामान किन्‍न गए
भन्सारमा धतुरो झार्छन् !

इरानको झगडाले मल पनि नआउने रे
ए भतिज, अब कसरी खेती गर्ने ?
के बेच्‍ने के खाने ?

अब बेच्‍नलाई होइन
आफू पाल्न मात्रै खेती गर्नुपर्ला !

हाम्रो गाउँको दुःख नबुझ्‍ने
हाम्रो चिन्ता नगर्ने
ती शहरीयाहरूको
हामीले जिम्मा लिएका छौं र ?

जे गर्नु छ गरून्
जे खानु छ खाउन्
हामीलाई के मतलब !