खोटाङ । जिल्लाको दिक्तेल रुपाकोट मझुवागढी नगरपालिकामा गठबन्धन विजयी भएको छ । गठबन्धनबाट उठेका कांग्रेसका मेयर उम्मेदवार तिर्थराज भट्टराई र माओवादी केन्द्रका उपमेयर उम्मेदवार बिसन राई विजयी भएका हुन् ।

भट्टराईले एमालेका उम्मेदवार कुमार आचार्यलाई पराजित गरेका हुन् । भट्टराईले ११ हजार ३८९ मत पाउँदा आचार्यले ६ हजार ९९६ मत पाएका थिए ।

यस्तै, माओवादी केन्द्रका बिसन राईले १० हजार ४३८ मतसहित उपमेयर पदमा निर्वाचित हुँदा एमालेका विणादेबी राईले ७ हजार ३१९ मत ल्याउँदै पराजित भइन् ।