काठमाडौँ । जिल्लाको तारकेश्वर नगरपालिकाको दुवै पदमा नेपाली कांग्रेसका उम्मेदवार विजयी भएका छन् । मेयरमा कृष्णहरि महर्जन र उपमेयरमा सिर्जना बुर्लाकोटी विजयी भएका हुन् ।

महर्जनले ११ हजार ९८८ मत ल्याउँदा उनका निकटतम् प्रतिस्पर्धी नेकपा एमालेका उम्मेदवार रामेश्वर बोहराले सात हजार ८०८ मत पाए ।

यस्तै, कांग्रेसबाट उपमेयर बुर्लाकोटीले १० हजार ७८६ मत ल्याइन् । उनका प्रत्यासी एमालेकी पराजित भवानी डोटेलले ८ हजार ६ मत पाएकी थिइन् ।

योसँगै काठमाडौँमा तीन वटा पालिकाको मत सार्वजनिक भएको छ । तीनै पालिकामा कांग्रेस विजयी भएको छ । एमालेले खाता खोल्न सकेको छैन ।