कैलाली- राष्ट्रिय स्वतन्त्र पार्टी (रास्वपा) ले आज धनगढीमा चुनावी सभा आयोजना गर्ने भएको छ। सभालाई पार्टी सभापति रवि लामिछाने र वरिष्ठ नेता बालेन्द्र शाह ले सम्बोधन गर्ने कार्यक्रम तय गरिएको छ।

आमसभा आयोजक रास्वपाका कार्यक्रम संयोजक कबिन्द्र ठकुल्लाका अनुसार सभाको तयारी पूरा भइसकेको छ। लामिछाने हिजै धनगढी आइपुगेका छन् भने शाह आज धनगढी आउने कार्यक्रम रहेको जनाइएको छ।

सभाको आयोजना बिहान ११ बजेदेखि धनगढीमा ‘सुदूरपश्चिम महोत्सव’ लाग्ने स्थानमा गरिने संयोजक ठकुल्लाले जानकारी दिए।

रास्वपाले धनगढीको सभापछि बर्दिया र बाँके हुँदै फागुन ७ गते सुर्खेतमा चुनावी कार्यक्रम आयोजना गर्ने जनाएको छ। चुनाव नजिकिँदै जाँदा सुदूरपश्चिममा दलहरूको गतिविधि तीव्र बन्दै गएको छ।