बडका भलमन्साको चुनावी सवारी निस्कियो,
देश होइन
सम्झना छोटो भएको भीड खोज्दै !

अगाडि झण्डा,
पछाडि डर,
बीचमा खोक्रो भाषण !

जनताको पीडा सुन्‍ने भनियो,
तर कान त
पुरानै आवाजमा ट्युन गरिएको रहेछ !

जनता प्रश्‍न सोध्छन्,
भलमन्सा फोटो खिच्छन्

जनता आफ्ना समस्या राख्छन्
भलमन्साको भाषण कराउँछ

यो चुनावी यात्रा होइन
बडका भलमन्साको
आत्मप्रशंसाको ‘रोड सो’ हो !

आजको माहोलमा
जनता मतदाता होइनन्
डेटा हुन्
समस्या समाधान गर्न होइन
भाषण सुन्‍ने
भोट दिने

बडका भलमन्सा भन्छन्-
म फेरि आउँछु

हो आउनु हुन्छ
फेरि ङिच्च
फोहोरी दाँत देखाउँदै !