काठमाडौं । गृह मन्त्रालयअन्तर्गत बढुवा समिति सचिवालयले नेपाल प्रहरीतर्फ प्रहरी वरिष्ठ उपरीक्षक (एसएसपी) पदमा बढुवा सिफारिस गरिएको नामावली सार्वजनिक गरेको छ।

मिति २०८१ पौष १३ गते बसेको बढुवा समितिको बैठकको निर्णयअनुसार प्रहरी उपरीक्षक (एसपी) पदमा कार्यरत १० जनालाई एसएसपी पदमा बढुवा सिफारिस गरिएको हो।

नेपाल प्रहरी नियमावली, २०७१ अनुसार बढुवा प्रक्रिया अघि बढाइएको गृह मन्त्रालयले जनाएको छ।

सार्वजनिक सूचिअनुसार राम प्रकाश शाह, भुवनेश्वर तिवारी, ऋषि राम केडेल, सुरेश प्रसाद काफ्ले, श्याम सिंह चौधरी, नकुल पोखरेल, दिलीप घिमिरे, पदम बहादुर विष्ट, योगेन्द्र सिंह थापा र सुवास चन्द्र बोहरा बढुवा सिफारिस सूचीमा परेका छन्।