नयाँदिल्ली– हामी सधैं हाम्रो दाँत सफा गर्नेबारे सचेत छौं। यसको बावजुद गिजा सुन्निने र दाँतमा किरा देखिने समस्या आउँछ। हालैको एक अध्ययनअनुसार गिजा र दाँत स्वस्थ राख्न मौखिक स्वच्छता मात्र होइन, आहारको पनि महत्त्वपूर्ण भूमिका हुन्छ।
जर्नल अफ पिरियडोन्टोलोजीमा प्रकाशित यो अध्ययनले भूमध्य सागरीय (मेडिटेरेनियन) आहारले गिजाको स्वास्थ्य सुधार गर्न र सुन्निने समस्या कम गर्न मद्दत गर्ने देखाएको छ। भूमध्य आहार मुख्यतया वनस्पति-आधारित खाना र स्वस्थ बोसोमा आधारित छ।
मौखिक स्वास्थ्य हाम्रो स्वास्थ्यको एक महत्त्वपूर्ण पाटो हो। यो दाँत र गिजामा सीमित छैन, यसले मधुमेह, हृदय रोग र स्ट्रोकजस्ता गम्भीर रोगहरूको जोखिम पनि बढाउन सक्छ। त्यसैले यसलाई बेवास्ता गर्नु स्वास्थ्यका लागि खतरनाक साबित हुन सक्छ।
विश्व स्वास्थ्य संगठनका अनुसार संसारभर करिब ३ अर्ब ७० करोड मानिस ओरल डिजिजबाट पीडित छन्। यसका मुख्य कारण खराब आहार र अपर्याप्त स्वच्छता हुन्। यद्यपि, भूमध्य आहारले यसलाई रोक्न मद्दत गर्न सक्छ।
भूमध्यसागरीय आहार ग्रिस, इटाली र स्पेनजस्ता भूमध्यसागर वरपरका देशहरूको परम्परागत खाने बानीमा आधारित छ। यो आहार मुख्यतया वनस्पतिमा आधारित छ र स्वस्थ बोसोलाई जोड दिन्छ।
यसमा मुख्यतया फलफूल, तरकारी, सम्पूर्ण अन्न, दाल, बदाम र बीउहरू समावेश छन्। र, प्रशोधित खाना, परिष्कृत अन्न र थपिएको चिनी कम गर्न सिफारिस गरिन्छ। भूमध्यसागरीय आहार मौखिक स्वास्थ्यका लागि मात्र लाभदायक छैन, यसले हृदय रोग, मधुमेह र केही प्रकारको क्यान्सरजस्ता गम्भीर रोगहरूको जोखिम पनि कम गर्छ।
यी हुन् मेडिटेरेनियन फुड्स
– फलफूलमा स्याउ, सुन्तला र स्ट्रबेरिज
– सब्जीहरूमा पालक, ब्रोकाउली र टमाटर
– अनाजमा जौ, दलहन र ब्राउन राइस
– नट्स र सिड्समा बदाम, ओखर र आलसका दाना
– प्रोटिनमा अण्डा, चिकेन, फिस र पनिर
– डेरीमा दूध, दही, चिज र पनिर
– हेल्दी फ्याट्समा घ्यू, ओलिभ आयल र एभोकाडो
यसका फाइदा
– पाचन प्रणाली राम्रो बनाउँछ
– मुखमा ब्याक्टेरियाको ग्रोथ कम गराउँछ
– दाँतको इनामेल प्रोटेक्सन बढाउँछ
– श्वास गनाउने समस्या कम गर्छ
– गिजा र दाँत मजबुत बनाउँछ
– गिजा सुन्निने समस्या कम गराउँछ
– गिजाबाट रगत बग्ने समस्या कम गराउँछ
– गम डिजिजको जोखिम घटाउँछ
भास्कर डट कमबाट