नयाँदिल्ली- शारदीय नवरात्र समाप्त भइसकेको छ। यी नौ दिनमा दुर्गा भवानीका नौवटै स्वरूपको पूर्जा अर्चना गरियो। र, यी नौ दिन नै व्रत बस्नेहरूको संख्या पनि ठूलो थियो।
यी नौ दिन जल र फलाहार मात्र गरेका उनीहरूले त्यसपछि भने ह्वात्तै शरीरको तौल बढेकामा चिन्ता व्यक्त गर्ने गरेका छन्। जब कि, मोटोपन र अधिक वजनको परेशानीमा रहेकाहरूका लागि नवरात्रिको व्रत तौल घटाउने एक राम्रो प्याकेज पनि हो।
समस्या के हो भने त्यसरी व्रत बसेकाहरूले व्रत तोड्नासाथ हेभी डाइट लिन थाल्छन्। र, फेरि तौल बढ्ने समस्या सामना गर्छन्।
नगरौं यी गल्ती
– एकैपटक धेरै भोजन नगरौं
– प्याकेज्ड फुडहरू नखाऔं
– जंक फुडको सेवन नगरौं
– धेरै बोसोयुक्त खानेकुरा नखाऔं
– धेरै सुगरी र साल्टी फुड नखाऔं
– मदिरा र अन्य नशालु पदार्थको सेवन नगरौं
– भोलिपल्टै जिममा गएर ज्यादा व्यायाम नगरौं
यी १० नियमको गरौं पालना
– भोजनमा प्रोटिन र फाइबरको सन्तुलन मिलाऊँ
– मिनरल्सको पूर्तिका लागि नरिवल पानी पिइरहौं
– ताजा फलफूल र सब्जीहरू नियमित खाऊँ
– भोजनमा प्रोबायोटिक्सका लागि दही अनिवार्य गरौं
– दैनिक ६ देखि ८ गिलास पानी पिऊँ
– दलहन, ओट्स र चोकरयुक्त खाना खाऊँ
– दैनिक खानाको योजना पहिले नै बनाऊँ
– राति कम्तिमा ७ घण्टा गहिरो निद्रा लिऊँ
– नियमित व्यायाम गरिरहौं
– जंक फुड र प्याकेज्ड फुडबाट टाढै बसौं