काठमाडौँ । धनगढीका लागि उडेको श्री एयरलाइन्सको एक जहाजलाई आकस्मिक अवतरण गराइएको छ । जहाजको इञ्जिन फेल भएपछि आकस्मिक अवतरण गराइएको हो ।

उक्त जहाजलाई त्रिभुवन अन्तर्राष्ट्रिय विमानस्थलमा आकस्मिक अवतरण गराएको विमानस्थल स्रोतले जनाएको छ । २२३ उडान नम्बरको उक्त जहाजमा ८७ यात्रु थिए ।

जहाजलाई काठमाडौँ फर्काएर सुरक्षित अवतरण गराइएको हो । उक्त जहाजलाई आकस्मिक अवतरण गराउनु पर्ने भएकाले केही जहाजहरू आकासमा होल्ड भएका छन् ।