नयाँदिल्ली- आधुनिक संसारमा कपाल झर्ने, टुक्रिने र तालु खुइलिने समस्या सामान्य भएको छ, जसलाई हटाउन मानिसहरू कपाल प्रत्यारोपणको विकल्प रोजिरहेका छन्।
यद्यपि, यो प्रक्रियालाई तबसम्म सुरक्षित मान्न सकिँदैन, जबसम्म यो सही तरिकाले, उचित जाँचपछि र विशेषज्ञको पर्यवेक्षणमा गरिएको छैन।
प्रत्यारोपणअघिको चेकलिस्ट
– ४० देखि ५० प्रतिशत कपाल झरिसकेकाहरूले प्रत्यारोपण गराउन सक्छन्।
– जसको डोनर एरिया अर्थात् टाउकोको पछाडिको भागमा कपाल हुन्छ, उनीहरूले प्रत्यारोपण गराउन सक्छन्।
– पुरानो र स्थायी हेयर लसको समस्याबाट जुधिरहेकाहरूको प्रत्यारोपण गर्न सकिन्छ।
– २५ वर्षमाथिको उमेरका मानिसको हेयर ट्रान्सप्लान्ट गर्न सकिन्छ।
– कपाल झर्न स्थिर भइसकेकाहरूमा प्रत्यारोपण गराउन सकिन्छ।
– हर्मोनल डिलब्यालेन्स या अन्य कुनै बिमारी छ भने प्रत्यारोपण गराउनु हुँदैन।
– अटोइम्युन डिजिज या गम्भीर मेडिकल कन्डिसन भएका व्यक्तिमा प्रत्यारोपण गराउन हुँदैन।
– गम्भीर अवस्थाको मधुमेह छ भने प्रत्यारोपण गराउनु हुँदैन।
– ब्लड क्लटिङ डिसअर्डर भएकाहरूले पनि कपाल प्रत्यारोपण गराउनु हुँदैन।
– टाउकोको इन्फेक्सन भएका व्यक्तिले पनि कपाल प्रत्यारोपण गराउनु हुँदैन।
– थोरै कपाल झरेका १८ देखि २५ वर्षका युवाले पनि कपला प्रत्यारोपण गराउनु हुँदैन।
कपाल प्रत्यारोपणअघि यी विषयमा ध्यान दिऊँ
– जहाँ सर्जरी गरिने हो, त्यसका बारेमा पूर्ण रिसर्च गरौं
– कहिल्यै लोकल क्लिनिक या सेन्टरमा सर्जरी नगराऊँ
– जहाँ सर्जरी गराउने हो, त्यसका बारेमा रिभ्यू र ट्र्याक रेकर्ड चेक गरौं
– डाक्टरको कुरामा मात्र भरोसा गरेर निर्णय नलिऊँ
– सर्जरीभन्दा अगाडि डाक्टरसँग पूरै प्रक्रियाका बारेमा सोधपुछ गरौं
– सर्जरीअघि कपालमा हेयर डाई गर्नबाट बचौं
– यदि ज्वरो आइरहेको छ र श्वासप्रश्वासमा समस्या भइरहेको छ भने डाक्टरलाई स्पष्ट बताऊँ
– सर्जरीअघि कुनै पनि औषधि सेवन नगरौं
– सर्जरीको एक साताअघि कुनै पनि प्रकारको व्यायामबाट बचौं
– कम्तिमा २४ घण्टाअघि धुम्रपान र मदिरा सेवन नगरौं
– मधुमेहको बिरामी हुनुहुन्छ भने डाक्टरको सल्लाहअनुसार तयारी गरौं
– सर्जरीको कम्तिमा १० दिनअघि तेलयुक्त र बोसोयुक्त खानेकुरा खानबाट बचौं
– सर्जरीअघि आफ्नो कपाल राम्ररी धोऊँ
– सर्जरीको दिन हेयर जेल या तेल नलगाऊँ
प्रत्यारोपणपछि के गर्ने, के नगर्ने ?
– सर्जरीपछि घर जाँदा कसैलाई साथमा राखौं। घर जान एक्लै या आफैं ड्राइभ नगरौं
– डाक्टरले दिएको एन्टिबायोटिक औषधि समयमै खाने गरौं
– केही दिन शीरलाई ऊँचो राखेर र कोल्टे फेरेर सुतौं
– सर्जरीको दुई दिनपछि क्लिनिक गएर पट्टिहरू हटाऊँ र कपाल धुन लगाऊँ
– पहिलो दिन टाउकोलाई सुक्खा राखौं
– चर्को घाममा बाहिर जानु पर्दा टोपी या स्कार्फ लगाऊँ
– कपाल धुँदा साह्रै हल्का हातबाट सफाइ गरौं
– डाक्टरले दिएको सल्लाह पालना गरौं
– प्रत्यारोपण गरिएको ठाउँलाई खुला नराखौं
– कम्तिमा दुई रात उत्तानो परेर नसुतौं
– सर्जरीपछि कम्तिमा एक साता स्विमिङ नगरौं
– इलेक्ट्रिक रेजरको प्रयोग नगरौं
– घाउ पूरा ठीक नहुन्जेल भारी काम र वर्कआउट नगरौं
– टाउकोमा चर्को घाम र गर्मी हुन नदिऊँ
– प्रत्यारोपण गरेको ठाउँमा हात लगाउने र रगड्ने नगरौं
– चुरोट र रक्सी सेवनबाट पूर्ण रूपमा टाढा बसौं
भास्कर डट कमबाट