नयाँदिल्ली- के तपाईंको घरमा पनि साना कीराहरूले जीवनलाई कष्टकर बनाएका छन् ? कहिलेकाहीं तिनीहरूले उज्यालोको वरिपरि आक्रमण गर्छन्, कहिलेकाहीं ओछ्यानमा। तपाईंले आफ्नो घर जतिसुकै सफा राखे पनि यी निम्तो नगरिएका पाहुनाहरू कतैबाट आई नै हाल्छन्।
कछुवा प्रिन्ट, फास्ट कार्डजस्ता चिजहरू प्रयोग गरेपछि पनि तिनीहरू घरमै रहन्छन्। धेरैपटक तिनीहरूको टोकाइ वा तिनीहरूको सम्पर्कमा आउँदा छालामा जलन र फोकाहरू हुन्छन्।
घरमा कीराहरू आउनु एक सामान्य समस्या हो। तर, केही सजिला उपायहरूलाई अलि बढी बुझेर तपाईं तिनीहरूबाट छुटकारा पाउन सक्नु हुन्छ।
यी उपाय प्रभावकारी
– झ्याल-ढोका राम्रोसँग सिल गरौं
– झ्यालमा लामखुट्टे रोक्ने जाली लगाऊँ
– घर वरिपरि, छत, बालकोनी र खुला ठाउँलाई राम्रोसँग सफाइ गरौं
– भित्ताहरूमा दरार नराखौं। ह्वाइट प्लास्टरबाट ब्लक गरौं।
– घर वरिपरि पानी जम्न नदिऊँ
– डस्टबिनको मुख खुला नराखौं
– डस्टबिनको पोलिथिन दैनिक परिवर्तन गरौं
– हरेक दोस्रो दिन डस्टबिन सफाइ गरौं
– घरको फोहोर एक दिनभन्दा बढी जम्मा हुन नदिऊँ
– पक्षीहरूलाई चारो दिऊँ, जसले कीरा-फट्यांग्रा पनि खान्छन्
– खाने-पिउने वस्तु हमेशा छोपेर राखौं
कीरा-फट्यांग्रा भगाउन ७ घरेलु स्प्रे
– नीमको तेल र पानीको स्प्रे- यसको गन्धबाट लामखुट्टे र झिंगाहरू टाढा भाग्छन्। यो एन्टिब्याक्टेरियल पनि हुन्छ।
– ह्वाइट भिनेगर र पानीको स्प्रे- कमिला र सांग्ला भगाउन यो प्रभावकारी हुन्छ। र, क्लिनरको पनि काम गर्छ।
– लाभेन्डर आयल र नरिवल तेलको स्प्रे- लाभेन्डरको गन्ध लामखुट्टेका लागि रुचिकर हुँदैन। र, त्यसको नजिक जाँदैनन्।
– पुदिना र पानीको स्प्रे- पुदिनाको गन्ध कीरा-फट्यांग्रालाई मन पर्दैन। र, नजिक आउँदैनन्।
– लसुन र पानीको स्प्रे- यो स्प्रे घरका भित्ता र कुनामा छर्नाले कीरा भाग्छन्।
– सयपत्रीको झोल- सयपत्रीको झोलको गन्धबाट लामखुट्टे टाढा भाग्छन्।
घरमा लगाउनूस् यी ७ प्लान्ट
– तुलसी- यसको पत्ताबाट निस्किने युजेनोलको गन्ध लामखुट्टेका लागि अप्रिय हुन्छ।
– क्याटोनिप- यो प्लान्ट लामखुट्टे भगाउन निकै प्रभावकारी पाइएको छ।
– पिचर प्लान्ट र सनड्यू- यो मांसहारी प्लान्ट हो। र, कीरा-फट्यांग्रालाई खाइदिन्छ।
– लेमनग्रासको झाडी- यसको पातबाट निस्किने गन्धले लामखुट्टेहरूको दिशा पत्ता लगाउने क्षमता अवरुद्ध बनाइदिन्छ।
– लाभेन्डर- यसले कीराहरूको सेन्सिङ सिस्टमलाई द्विविधाग्रस्त बनाइदिन्छ।
– सयपत्री फूल- यसमा पाइरेथ्रम नामक प्राकृतिक कीटनाशक हुन्छ। र, त्यसकारण कीरा टाढा भाग्छन्।
– पुदिनाको झाडी- यसको पातबाट निस्किने मेथोलको गन्धबाट लामखुट्टे टाढा भाग्छन्।
भास्कर डट कमबाट