नयाँदिल्ली- हालै अमेरिकामा रक्सी पिउँदा हुने क्यान्सरबारे अध्ययन भएको थियो। अमेरिकन एसोसिएसन फर क्यान्सर रिसर्च (एएसीआर)ले उक्त अध्ययन गरेको थियो।
उक्त संस्थाले सार्वजनिक गरेको ‘क्यान्सर प्रोग्रेस रिपोर्ट, २०२४’अनुसार सबै प्रकारका क्यान्सरमा ५ प्रतिशत केस रक्सीसँग जोडिएका छन्। रक्सी पिउँदा ६ प्रकारका क्यान्सर हुने रिपोर्टमा उल्लेख छ। जो व्यक्ति रक्सी पिउन छाडिदिन्छ, उसलाई क्यान्सर हुने जोखिम ८ प्रतिशत कम हुन्छ।
रिपोर्टअनुसार रक्सीका कारण मस्तिष्क, गर्धन, ब्रेस्ट, कोलोरेक्टल (मलाशय), कलेजो र पेट तथा इसोफेजियल (भोजन नली)को क्यान्सर हुन्छ।
रक्सी पिउँदा शरीरमा हुने नोक्सानी
– मुटुका मांशपेशी कमजोर हुन्छन्। त्यसका कारण हृदयाघातको खतरा बढ्छ।
– फोक्सो, कलेजो, मस्तिष्क र शरीरका अन्य अंगमा खराब असर पुग्छ।
– रक्सीले भोक कम गर्छ। र, मानिस कुपोषणको शिकार बन्न पुग्छ।
– अति धेरै रक्सी पिउँदा पेटमा अल्सर हुन्छ।
– रक्सीले कलेजो ड्यामेज गराउँछ। र, लिभर सिरोसिसको खतरा बढाउँछ।
– रक्सीले रोग प्रतिरोधात्मक क्षमता कमजोर बनाउँछ। र, मानिस रोगी बन्छ।
– रक्सीका कारण क्यान्सरको खतरा धेरै गुणा बढ्न पुग्छ।
रक्सीको लतबाट कसरी पाउने छुटकारा ?
– सबैभन्दा पहिले म रक्सी छोड्छु भन्ने संकल्प मनैदेखि गरौं
– जसलाई रक्सीको लत बसेको छ, उसलाई तत्काल पूर्ण रूपमा छाड्न सजिलो छैन।
– त्यसैले विस्तारै कम गर्दै पूर्ण रूपमा छाडौं।
– आफ्नो परिवार र साथीहरूलाई आफूले रक्सी छाड्दै गरेको बताऊँ।
– रक्सी पिउँदा लागेको आदत परिवर्तन गर्दै जाऊँ
– साथीभाइ, चिरपरिचित मानिसहरूसँग रक्सी पाउने रेस्टुराँमा होइन, कफीसपमा भेटौं।
– त्यस्ता साथी बनाऊँ, जो रक्सी पिउँदैनन्। र, उनीहरूसँगै ज्यादा समय बिताऊँ।
– रक्सी पिउन अस्वीकार गर्ने आदत बनाऊँ।
– शुरुमा एक महिनाको टार्गेट सेट गरौं। र, ३० दिन रक्सी नपिउने संकल्प गरौं।
– र, त्यो टार्गेटलाई कठोरतापूर्वक पूरा गरौं। रक्सीको नशाबाट तपाईं मुक्त हुनु हुनेछ।
भास्कर डट कमबाट