नयाँदिल्ली- कर्पोरेट कल्चरमा अफिसमै लभ र राजनीति पनि जोडिन पुग्छ। खासगरी, प्रेम सम्बन्ध दुई विपरीत लिंगीमाझ सीमित रहँदैन, अफिसको पूरै टिमलाई जानकारी हुन जान्छ।
त्यस्तो अवस्थामा परेका कतिपयलाई अफिसबाट उल्टै सपोर्ट मिल्छ र उनीहरूको प्रेम जीवन स्वर्गीय बन्छ। तथापि, कतिपय मानिसले त्यसमा हैरानी बेहोर्नुपर्छ।
हैरानी बेहोर्नुपरेका जोडीहरूले आफ्नो प्रेम जीवन र करिअर दुवै बचाउन इमोसनले मात्र काम गर्दैन, प्रशस्त समझदारीको पनि आवश्यकता हुन जान्छ।
यसलाई अर्को भाषामा वर्कप्लेस रोमान्स पनि भनिन्छ। फोर्ब्सको एक सर्वेमा सहभागी ५२ प्रतिशत मानिसले आफ्नो जोडीबीच प्रेम बसेको जानकारी पाएका सहकर्मीको व्यवहारमा परिवर्तन महशुस गरेका थिए। यस्तै, ३३ प्रतिशत मानिसले आफूहरूबीच प्रेम अंकुराएको जानकारी पाएका सहकर्मीमा जलनको भावना पैदा भएको पाएका थिए। र, ५० प्रतिशत मानिसले आफूहरूको प्रेम जीवनलाई लिएर अफिसमा गसिप बनेको पाएका थिए।
वर्कप्लेस रिलेसनसिपको प्रभाव
– वर्कप्लेस रिलेसनसिपका कारण ५७ प्रतिशतलाई आफ्नो वर्क परफर्मेन्स प्रभावित भएको महशुस भएको थियो।
– ५४ प्रतिशत मानिसलाई आफ्नो काम र जीवन गडबड भएको महशुस भएको थियो।
– ५२ प्रतिशतलाई आफूहरूको प्रेमका कारण सहकर्मीहरूको व्यवहार बदलिएको अनुभूति भएको थियो।
– ५१ प्रतिशतलाई आफ्नो व्यावसायिकता प्रभावित भएको अनुभूति भएको थियो।
– ४६ प्रतिशतलाई कार्यस्थलमा आफ्नो प्रेम जीवन गसिप भएको महशुस भएको थियो।
– ३३ प्रतिशतले आफ्नो प्रेमप्रति सहकर्मीमा जलन बढेको अनुभूसति भएको थियो।
– २६ प्रतिशतका अनुसार अफिसमा छुट्टि व्यवस्थापनमा समस्या खडा भएको थियो।
– १७ प्रतिशतलाई कतै ब्रेकअप त हुँदैन भन्ने डर पैदा भएको थियो।
करिअर र प्रेम सन्तुलनका ४ टिप्स
– अफिसको कामलाई प्राथमिकता दिऊँ। आफ्नो रिलेसनसिपको प्रभाव काममा पर्न नदिऊँ।
– आफ्ना सहकर्मी र साथीहरूको सर्कललाई अलग राखौं। र, दुवैलाई मिश्रित नबनाऊँ।
– प्रेमी-प्रेमिकाबीच अफिसमा होइन, अफिसबाहिर समय बिताऊँ। अफिसमा एकसाथ बसेर समय बर्बाद नगरौं।
– यदि अफिसका कुराले नकारात्मक असर परिरहेको छ भने प्रोफेसनल काउन्सेलिङ लिन पनि नहिचकिचाऊँ।