काठमाडौँ । युक्रेनको पश्चिमी क्षेत्रमा भएको दुर्घटनामा परी २६ जनाको मृत्यु भएको छ । सरकारी अधिकारीहरूले बुधबार दिएको जानकारीअनुसार शुरुमा मृतकको संख्या थोरै देखिए पनि अहिलेसम्म २६ जनाको मृत्यु भएको पुष्टि भएको हो ।
यात्रु बहाक एउटा बस अर्को पेट्रोलियम पदार्थ ढुवानी गर्ने ट्यांकरसँग ठोक्किएर दुर्घटना भएको अधिकारीहरूले जनाएका छन् । देशको पश्चिमी क्षेत्रमा पर्ने रिभ्ने क्षेत्रमा मंगलबार भएको दुर्घटनालाई राष्ट्रपति भोलोदिमिर जेलेन्स्कीले ‘अत्यन्त दुःखद दुर्घटना’ भन्नु भएको छ ।
‘दुर्घटनामा परी अहिलेसम्म कुल २६ जनाको मृत्यु भएको छ, ती मध्ये २६ जना यात्रु हुन भने दुई जना चालक हुन,’ प्रहरीले जारी गरेको वक्तव्यमा लेखिएको छ । घटनामा परी अरु १२ जना घाइते भएको र उनीहरूको विभिन्न अस्पतालमा उपचार गराइएको प्रहरीले जनाएको छ ।
प्रहरीले घटनामा मृत्यु भएकाहरूको पहिचान खोज्ने कार्य भइरहेको जानकारी दिएको छ । पीडितमध्ये अधिकांश युवा रहेको जनाइएको छ । रुसको आक्रमणमा परी सयौँ युक्रेनीहरूको मृत्यु भइरहेका बेला दुर्घटनामा परी २६ युक्रेनीको मृत्यु भएको हो ।
