नयाँदिल्ली- भिषण गर्मीमा तपाईंको स्वास्थ्यमा मात्र असर पर्दैन, तपाईंले बोक्नुभएको स्मार्ट फोनका लागि पनि खतरनाक सावित हुन सक्छ।
तापमान बढ्नासाथ तपाईंको स्मार्ट फोन पनि छिटो तात्ने समस्या देखिन सक्छ। त्यसले तपाईंको स्मार्ट फोनको पर्फर्मेन्समा प्रभाव पार्छ।
ब्याट्री काम नदिने हुन सक्छ। डिभाइस अचानक बन्द हुने समस्या पनि देखिन सक्छ।
अत्यधिक गर्मीका कारण तपाईंको स्मार्ट फोन विष्फोट पनि हुन सक्छ। र, फोनलाई स्थायी क्षति पनि पुग्न सक्छ। त्यसैले अत्यधिक गर्मीमा फोनलाई ओभर हिटिङ हुनबाट बचाउनु जरुरी छ।
स्मार्ट फोन तात्नुका कारण
– चर्को घाममा राख्नु
– ब्याकग्राउन्डमा धेरै एपहरू खुला राख्नु
– गेमिङ र भारी ग्राफिक्सवाला एप्सहरू चलाउनु
– डुप्लिकेट चार्जर र ड्यामेज भएको ब्याट्री प्रयोग हुनु
– लगातार घण्टौंसम्म गेमहरू खेलेर बस्नु
– घण्टौंसम्म भिडियो स्ट्रिमिङ गर्नु
– सफ्टवेयर अपडेटको दौरान पनि फोन तात्न सक्छ
– फोनमा भाइरस र मालवेयर हुनु
चार्जिङमा अपनाऊँ सावधानी
– सधैं ओरिजिनल चार्जर र केबल प्रयोग गरौं
– चार्जिङका बेला फोनलाई ओछ्यान, तकिया र कम्बलमा नराखौं
– चार्जिङका बेला फोन प्रयोग नगरौं
– राति फोन चार्जिङमा लगाएर नसुतौं
– फास्ट चार्जिङलाई आवश्यकताभन्दा बढी प्रयोग नगरौं
– फोन तात्न थाल्यो भने तत्काल चार्जिङबाट निकालौं
– चार्जिङ पोर्ट र केबललाई सफा राखौं
– अत्यधिक गर्मी भएको ठाउँमा फोन नराखौं
– हेभी एप्स र गेम खेल्दै गर्दा चार्जिङमा नजोडौं
– आवश्यकता नहुँदा ब्याकग्राउन्ड एप्स बन्द राखौं
– फोनको कभर धेरै माटो नराखौं
– आवश्यकता नहुँदा फोनलाई केही समयका लागि स्विच अफ राखौं