नयाँदिल्ली- पछिल्ला वर्षमा सबै विद्युतीय सामग्री मानव जीवनका अभिन्न अंग बनेका छन्। तीमध्ये एक हो रेफ्रिजरेटर।
तथापि, कतिपय मानिस फ्रिजको गलत प्रयोग गर्छन्। र, गम्भीर स्वास्थ्य संकट निम्त्याउँछन्।
हामी आफ्नो भान्साघरमा रहेको फ्रिजमा अधिकांश खानपानका वस्तु राख्ने गर्छौं। तर, त्यस्ता वस्तु फ्रिजमा राख्नु हुँदैन। फ्रिजमा राखेर उपभोग गरिएका वस्तु नै स्वास्थ्यका लागि गम्भीर बन्न सक्छन्।
यी वस्तु नराखौं फ्रिजमा
– मुछेको पिठो
मुछेको पिठो फ्रिजमा राख्दा त्यसमा ढुसी पलाउँछ, जुन खानका लागि अयोग्य हुन्छ।
– केलाएको लसुन
केलाएको लसुन फ्रिजमा राख्दा त्यो फुल्छ र अखाद्य बन्छ।
– काटेको प्याज
काटेको प्याज फ्रिजमा राख्दा अक्सिडेसनका कारण भिटामिन सी नष्ट हुन्छ।
– अदुवा
काटेको अदुवा पनि फ्रिजमा राख्दा चाँडै बिग्रिन्छ।
– ब्रेड
पाउरोटी फ्रिजमा राख्दा स्वाद खराब हुन्छ।
– मह
मह फ्रिजमा राख्दा जम्छ। र, क्रिमी टेक्सचर खराब हुन्छ।
– नट्स
नट्सलाई पनि फ्रिजमा नराखौं। त्यसो गर्दा प्राकृतिक तेलमा नोक्सानी पुग्छ। र, खान अयोग्य हुन्छ।