काठमाडौँ । नेपाल प्रहरीका नवनियुक्त आईजीपी धीरजप्रताप सिंहले दुई एआईजीको बिदा अस्वीकृत गरेका छन् । एआईजीद्वय विश्वराज पोखरेल र सहकुल थापाको बिदा अस्वीकृत भएको हो ।

सरकारले आफूभन्दा जुनियरलाई आईजीपी बनाएको भन्दै कानुनी अधिकार खोज्नका लागि दुई एआईजीले बिदा बस्ने तयारी गरेका हुन् । तर, उनीहरूको बिदा अस्वीकृत भएको हो ।

आगामी ११ औँ दिनमा स्थानीय तहको निर्वाचन हुँदै गर्दा दुई एआईजीले बिदा नपाएका हुन् । प्रहरी प्रधान कार्यालयका अनुसार दुवै जनाले बिदाको माग गरेका थिए ।

प्रहरी प्रशासनमा एआईजीको बिदा आईजीपीले स्वीकृत गर्नेु पर्ने प्रावधान रही आएको छ । बिदा अस्वीकृत भएसँगै उनीहरू काममा फर्किनु पर्ने भएको छ ।

प्रहरी प्रधान कार्यालयका अनुसार पोखरेलले एक महिना र थापाले १० दिन बिदा माग गरेका थिए ।