काठमाडौँ । नेकपा एमाले पोखरा महानगरपालिका कमिटीले चुनावी प्रतिबद्धता पत्र सार्वजनिक गरेको छ ।
कमिटीले शनिबार एक कार्यक्रम आयोजना गरी प्रतिबद्धता पत्र सार्वजनिक गरेको हो ।
कार्यक्रममा कृष्ण थापाले सेवा सुविधा नलिने मात्रै वचन गरेनन् युवाहरुलाई स्थान दिने बताउँदै आगामी दिनमा कहिल्यै चुनाव नलड्नेसम्म प्रतिबद्धता जनाएका थिए । ‘मेरो यो चुनाव अन्तिम हुनेछ,’ उनले भने, ‘अब कृष्ण थापा चुनाव लड्ने छैन ।’
कमिसन तन्त्र र भ्रष्टाचार जनविरोधी कार्य भएको भन्दै उनले आफू निर्वाचित भएर कार्यालय प्रवेश गरेकै दिन रोक्ने काम गर्ने बताए ।
पोखरामा शनिबार आयोजित कार्यक्रममा एमालेले पोखराको आगामी पाँच वर्षको कार्य योजना समेटिएको २० पृष्ठ लामो घोषणा पत्र सार्वजनिक गरेको हो ।
घोषण पत्रमा पोखरामा मनोरेल र मेट्रोरेल सञ्चालन ल्याउने उल्लेख छ । एमालेले पोखराको मेयरमा कृष्णा थापा र उपमेयरमा मञ्जुदेवी गुरुङलाई उम्मेदवारी बनाएको छ ।
