काठमाडौँ । चीनमा पछिल्ला केही दिनदेखि कोरोना भाइरसका संक्रमितहरूको संख्या बढिरहेका बेला गएको २४ घण्टायता धेरै संक्रमित भेटिएका जनाइएको छ ।

यहाँका अधिकारीले दिएको जानकारीअनुसार चीनमा बिहीबार मात्र पाँच हजार ६४६ जना संक्रमित भेटिएका हुन् । पछिल्लो समयमा यहाँ चीनको सांघाइ सहरमा धेरै संक्रमित देखिएका छन् । यस सहरमा मात्र गएको २४ घन्टायता पाँच हजार ४८७ जना संक्रमित देखिएका बताइएको छ ।

चीनका विभिन्न सहर र राजधानी बेइजिङमा थप संक्रमित देखिने क्रम जारी रहेको बताइएको छ । चिनियाँ राजधानी सहरमा चीन सरकारले पछिल्लो समयमा संक्रमणबाट बच्न सुरक्षाका मापदण्ड अपनाउने गरेको भए पनि संक्रमित भने प्रत्येक दिन देखिएका छन् ।

पछिल्ला हप्तामा चीनको सांघाइ सहरमा सबैभन्दा धेरै संक्रमितहरू देखिन थालेका हुन् । सांघाइ सहरमा पछिल्लो समयमा संक्रमित अन्यत्रभन्दा धेरै देखिन थालेका बताइएको छ ।

यहाँ हरेक दिन एक हजारभन्दा बढी संक्रमित देखिन थालेका छन् । तीमध्ये अधिकांश चीनभित्रै संक्रमणमा परेका हुन् ।