काठमाडौँ । प्रधानमन्त्री तथा नेपाली कांग्रेसका सभापति शेरबहादुर देउवाले स्वतन्त्र उम्मेदवारी फिर्ता लिन आग्रह गरेका छन् । उनले कांग्रेस पार्टीका सबै नेता तथा कार्यकर्तालाई स्वतन्त्र उम्मेदवारी फिर्ता लिन आग्रह गरेका हुन् ।
बिहीबार उनले एक विज्ञप्ति जारी गर्दै पार्टी र गठबन्धनका आधिकारिक उम्मेदवारविरुद्ध दर्ता भएको स्वतन्त्र उम्मेदवारी फिर्ता लिन आग्रह गरेका हुन् ।
यस्तै, गठबन्धनबाट चितवनको भरतपुर महानगरपालिकामा नेकपा माओवादी केन्द्रबाट रेणु दाहाल उम्मेदवार बनेकी छन् । उनीविरुद्ध चितवन कांग्रेस नेता जगन्नाथ पौडेलले बागी उम्मेदवारी दिएका छन् ।
उनलाई फकाउन नेताहरू दौडधुपमा लागेका छन् । उनको उम्मेदवारी फिर्ता गराउन गृहमन्त्री बालकृष्ण खाँणदेखि प्रधानमन्त्री तथा मन्त्रिपरिषद कार्यालयका राज्यमन्त्री उमेश श्रेष्ठसम्म चितवन पुगेका छन् ।
श्रेष्ठ आज बिहान मात्रै पौडेल निवास पुगेर भेट गरेका थिए । यस्तै, पौडेललाई माओवादी केन्द्रका अध्यक्ष पुष्पकमल दाहाल ‘प्रचण्ड’ले समेत फोन गरेको स्रोतले जनाएको छ ।
