संसारकै सबैभन्दा ज्येष्ठ मानिएकी एक जापानी महिलाको ११९ वर्षको उमेरमा निधन भएको छ।

जापानी सञ्चार माध्यम एनएचकेका अनुसार ११९ वर्षीया केन तनाकाको निधन भएको हो। उनी २ जनवरी १९०३ मा जन्मेकी थिइन्। सोही वर्ष राइट दाजुभाइले अमेरिकामा मोटर इन्जिनबाट चल्ने जहाज निर्माण गरेका छन्।

गिनिज बुक अफ वर्ल्ड रेकर्डले सन् २०१९ मा उनलाई संसारकी सबैभन्दा ज्येष्ठ रहेको प्रमाणित गरेको थियो।

जापानको पश्चिमी भेगस्थित फुकुओका शहरको अस्पतालले अत्यधिक उमेरका कारण उनको निधन भएको बताएको छ।

एनएचकेका अनुसार उनले आफ्नो जीवनमा चकलेट र ‘फिज्जी’ पेय पदार्थ सेवनमा जोड दिने गरेकी थिइन्। जापानमा ज्येष्ठ नागरिकको जनसंख्या बढी छ। गत सेप्टेम्बरमा जापानमा ८६ हजार ५१० जना सय वर्ष नाघेका ज्येष्ठ नागरिक थिए। र, तीमध्ये हरेक १० जनामा नौजना महिला थिए।