काठमाडौँ । आगामी वैशाख ३० गते हुने स्थानीय तहको निर्वाचनमा विप्लव नेतृत्व पार्टीलाई नेपाली कांग्रेस, नेकपा एमालेले साथ दिने भएका छन् । रोल्पाको सुनछहरी गाउँपालिकामा विप्लव पार्टीसँग कांग्रेस र एमालेले चुनावी गठबन्धन गर्ने भएको हो ।

चुनावी तालमेल गरेका एमाले र कांग्रेसले विप्लव नेतृत्वका नेकपाका स्वतन्त्र उमेदवारलाई अध्यक्षमा अघि सारेको छ । सहमतिअनुसार विप्लव नेतृत्वको नेकपाबाट अमर झाँक्री गाउँपालिका अध्यक्षका उमेदवार बन्ने भएका छन् ।

उपाध्यक्ष नेपाली कांग्रेसलाई दिने सहमति भएको छ । झाँक्री नेकपा एमालेको चुनाव चिन्हबाट निर्वाचनमा जाने भएका हुन् । सत्ता गठबन्धनकै अर्का दल नेकपा माओवादी केन्द्रविरुद्ध तीन दलले गठबन्धन गर्ने भएको हो ।