कैलाली– अंग्रेजी नयाँ वर्ष तथा राष्ट्रीय पोशाक र ढाका टोपी दिवसको अवसरमा बुधबार धनगढीमा प्रभातफेरी निकालिएको छ।

धनगढीको चौराहादेखि निकालिएको प्रभातफेरी उपमहानगर परिसरमा पुगेर समापन गरिएको थियो।

‘धर्म सस्कृति जोगाऔं, आफ्नो अस्तित्व बचाऔं’ भन्ने मूल नाराका साथ ‘सुदुर नेपाल संस्कृति सेवा समाज’ले राष्ट्रीय पोशाक र ढाका टोपी दिवस मनाएको जनाएको छ।

प्रभातफेरी कार्यक्रममा समाजका सदस्यहरू, वडा अध्यक्षहरू लगायत बिधार्थी र सर्वसाधारणको उपस्थिति थियो।