नयाँदिल्ली- तेलुगू र दक्षिण भारतीय फिल्मका अधिनेता अल्लू अर्जुनलाई प्रहरीले हैदरावादमा पक्राउ गरेको छ।

उनीविरुद्ध सन्ध्या थिएटरमा भागदौडको घटनामा एक महिलाको मृत्यु भएको विषयमा उजुरी गरेको छ। उनको फिल्म ‘पुष्पा २’को रिलिजको एक दिनअघि हैदरावादको सन्ध्या थिएटरमा भागदौड मच्चिएको थियो। त्यहाँ उनको फिल्मको स्क्रिनिङ थियो।

एडभान्समा टिकट खरिद गरेर फिल्म हेर्न त्यहाँ दर्शकको भीड लागेको थियो। अल्लू अर्जुनको टिमले अचानक त्यहाँबाट बाहिरिने निर्णय गरेको थियो। र, दर्शकमाझ भागदौड मच्चिएको थियो। सोही क्रममा एक महिलाको मृत्यु भएको थियो।

घटनापछि अल्लू अर्जुनले भिडियो सन्देश जारी गर्दै घटनाप्रति दुःख प्रकट गरेका थिए। र, आफ्नो त्यस भागदौडमा कुनै संलग्नता नरहेको बताउँदै अदालतमा निवेदन पनि दिएका थिए।