काठमाडौँ । यस वर्षको नीति तथा कार्यक्रममा भ्यूटावर र सभाहल निर्माणको काम नहुने भएको छ । शहरी विकास मन्त्री रामकुमारी झाँक्रीले भ्यूटावर र सभाहल निर्माणको कामलाई निरन्तरता नदिने बताएकी हुन् ।

असीमित दायित्व आएको बताउँदै उनले भ्यूटावर र सभाहल निर्माणका लागि बजेट विनियोजित गर्न नसकेको बताएकी हुन् ।

‘आगामी आर्थिक वर्ष नीति तथा कार्यक्रममा भ्यूटावर र सभाहल निर्माणको कार्यक्रमबाट अलग्गिन्छौँ,’ उनले भनिन्, ‘राज्यको असीमित दायित्व सिर्जना हुने यस्ता संररचनाले जनजीवनसँग अर्थ राख्दैनन्, यसको सञ्चालनको मोडालिटीसमेत छैन ।’

एकीकृत बस्ती विकासको कामले प्रभावकारिता पाउन नसकेको भन्दै उनले यसलाई विस्थापन गरेर बस्ती विकास कार्यक्रममा जोड दिने बताइन् ।