कैलाली- दार्चुलामा आज बिहान करिब ३ बजेतिर भएको जिप दुर्घटना हुँदा ८ जनाको मृत्यु भएको छ । ६ जनाको घटनास्थलमै र दुई जनाको उपचारका क्रममा गोकुलेश्वर अस्पतालमा मृत्यु भएको हो ।
त्यस्तै दुर्घटनामा घाइते भएका ५ जनाको धनगढी स्थित निसर्ग अस्पतालमा उपचार शुरु भएको छ । नेपाली सेनाको हेलिकप्टरद्वारा उद्दार गरि घाइतेहरुलाई धनगढी पु¥याइएको हो ।
धनगढीमा उपचार भैरहेकाहरुमा चालक मालिकार्जुन गा.पा.८ पस्ती बस्ने बर्ष ३० का सुनिल जोशी रहेका छन । उनको टाउकोमा चोट लागेको र अवस्था सिरियस रहेको अस्पतालले जानकारी दिएको छ ।
त्यस्तै, दार्चुला शैल्यशिखर न.पा.५ लेकगाँउ बस्ने बर्ष ८ को सन्दिप रावल, सोही ठाउँ का २२ बर्षिय प्रकाश रावल, बैतडी डिलासैनी गा.पा.५ बस्ने बर्ष २८ को उत्तम रोकाया र भारतको पिलभित जिल्लाको रुद्रपुर मारुडण्डाका १७ बर्षिय सोहिन शाहको उपचार भैरहेको छ ।
घाइतेको अवस्था बुझ्न सामाजिक बिकास मन्त्री मेघराज कठायत, प्रमुख जिल्ला अधिकारी धर्मेन्द्र मिश्र लगायत सुरक्षा प्रमुखहरू अस्पताल पुगेका छन ।