काठमाडौँ । महोत्तरीको सातपत्रे जंगलमा सडेको अवस्थामा बुधबार एउटा शव फेला परेको छ ।

जिल्ला प्रहरी कार्यालयका प्रहरी नायब उपरीक्षक प्रकाश विष्टका अनुसार बर्दिबास नगरपालिका ३ स्थित विपी राजमार्गभन्दा पाँच सय मिटर उत्तर–पश्चिममा पर्ने सातपत्रे जंगलमा एक व्यक्तिको शव कुहिएर दुर्गन्धित भएको अवस्थामा फेला परेको हो ।

अन्दाजी ५०–५५ वर्षका अज्ञात पुरुषको शव कुहिएर दुर्गन्धित भएको अवस्थामा घाँस काट्न गएका स्थानीयले देखेपछि प्रहरीलाई खबर गरेका थिए ।

स्थानीयले शवबारे खबर दिएपछि इलाका प्रहरी कार्यालय बर्दिबासबाट प्रहरी टोली शव फेला परेको स्थानतिर गएर सो शव उठाएर परीक्षणका लागि जिल्ला अस्पतालमा पठाइएको छ ।