मनिष अर्याल

सहकालका देवताका रूपमा पुजिने सेतो मत्स्येन्द्रनाथको जात्रा बुधबार समापन भएको छ।

हिन्दू धर्मावलम्बीमध्येको शैव धर्मावलम्बीका नाथ सम्प्रदायका भगवान् मानिन्छ, सेतो मत्स्येन्द्रनाथलाई। यस्तै, बौद्ध धर्मावलम्बीमाझ श्री करुणामय वंगद्यः पद्मपाणि आर्यावलोकितेश्वर, लोकनाथ आदि नामले पुकारिन्छ।

केलटोलबाट सेतो मत्स्येन्द्रनाथलाई विधिपूर्वक पूजा गरी खटमा राखेर बाजागाजाका साथ तीनधारा पाठशालामा पुयाइएसँगै जात्रा शुरु भएको थियो। पहिलो दिन असनमा पहिलो विश्राम गराइएको थियो।

त्यसको भोलिपल्ट साँझ असनबाट रथायात्रासहित जनबहाल, इन्द्रचोक, मखन हुँदै हनुमानढोका पुर्‍याइएको थियो। बुधबार अन्तिम दिन लगन पुर्‍याएर तीनपटक मत्स्येन्द्रनाथकी आमाको परिक्रमा र पूजाअर्चनापछि केलटोलस्थित मन्दिरमा भित्र्याइएसँगै जात्रा समापन भएको हो।