काठमाडौं- नयाँ वर्षमा सेफ्स बर्गरले नयाँ-नयाँ खानाका परिकार सार्वजनिक गरेको छ । सी-फुड बेसमा बनाइने खाना यसपटक सेफ्स बर्गरले नेपाली उपभोक्तामाझ परिचित गराएको छ ।
‘ग्रिल सी फुड प्लाटर’ तीमध्ये मुख्य हो, जसलाई नयाँ वर्षका लागि स्पेसल मेनु बनाइएको छ । यस्तै, ‘पोर्क रिफ ग्रिल’ र ‘चिकेन कोफ्ता’लाई नयाँ वर्षमा ‘इन्ट्रोड्युस’ गराएको छ, । यी परिकार हरियो मकैसँग सर्भ गरिनेछ ।
‘ग्रिल सी फुड’मा झिँगे माछा अर्थात प्राउन प्रयोग गरिएको छ । प्राउनलाई ग्रिल गरेर यसमा कागती बटर सस र काडामारी राखिएको हुन्छ । यसमा प्लस बासा पिस पनि हुन्छ । ग्रिल भएकाले यो स्वस्थ खाना हो ।
नयाँ वर्षको कार्यक्रममा सेफ्स बर्गरका आउटलेटमा लाइभ म्युजिक र स्पेसल इभेन्ट आयोजना गरिएको छ । त्यससँगै बियरका विभिन्न ब्रान्डलाई प्रमोसन गरिएको छ । गोर्खा बियर एउटा किन्दा एउटा फ्री, खुकुरी रममा एउटा नयाँ आइटम खाँदा हट रमपन्च उपलब्ध गराइने सेफ्स बर्गरका सञ्चालक तीर्थ कटुवालले जानकारी दिए । हट रमपन्च प्राकृतिक स्पाइसी स्वादमा उपलब्ध छ । र, यसमा ल्वाङ, सुकमेल मिसाइएको हुन्छ ।
सेफ्स बर्गरले फरक–फरक पर्वमा आफ्नै स्पेसल मेनु उपभोक्तामाझ ल्याउने गरेको छ । जस्तै– भ्यालेन्टाइनका अवसरमाा ‘थ्री कोर्स सेफ’ मुख्य थियो । यो खाँदा एक बोतल वाइन फ्री थियो । यससँगै प्रेमी जोडीलाई गुलाब दिने व्यवस्था थियो । ‘हामीलाई नाफा नभए पनि उनीहरू खुशीसाथ बसून् भनेर उक्त सेवा दिएका थियौँ,’ सेफ्स बर्गरका सञ्चालक महेन्द्र तामाङले भने, ‘त्यो कसैले पनि गर्दैन, हामीले मात्र गरेका थियौं ।’
उनका अनुसार सेफ्स बर्गरले स्वस्थ मेनु उपभोक्तालाई उपलब्ध गराउँदै आएको छ । ‘नयाँ वर्षमा पनि त्यस्तै स्पेसल मेनु ल्याइएको हो । नयाँ वर्षमा धेरैलाई नयाँ खानेकुराको स्वाद लिने चाहना हुन्छ । अरूबेला बनाएर राख्न सकिँदैन,’ उनले भने ।
नयाँ वर्षमा परिचित गराइएकामध्ये ‘ग्रिल सी फुड प्लाटर’ बनाउँदा प्यानमा राखेर ओभनभित्र चार घण्टा पकाउनुपर्छ । प्यानसियर ग्रिल गरेर कलर निकाली आल्मुनियम कागजले र्याप गरेर यसलाई पकाइन्छ । खानमा यो एकदमै कोमल र स्पाइसी हुन्छ यो । सधैँ नबनाइने भएकाले यो स्पेसल हो । नयाँ वर्षमा आउने उपभोक्तालाई स्पेसल डिसका रूपमा सेफ्स बर्गरले यसको अफर दिने भएको छ । यस्तै ‘पोर्क रिफ ग्रिल’ नखाने मानिसलाई चिकेन कोफ्ता र बफ कोफ्ता पनि उपलब्ध गराइने सञ्चालक कटुवालले बताए । उनका अनुसार यी सबै अरेबिक स्टाइलका फुड हुन् ।
‘पोर्क रिफ ग्रिल’को एक हजार ५०, ‘चिकेन कोफ्ता’को ८५० र ‘ग्रिल सी फुड प्लाटर’को मूल्य एक हजार ५५० रुपैयाँ तोकिएको छ । यी परिकारलाई भविष्यमा नियमित मेनुमा समेटिने कटुवालले जानकारी दिए।
नयाँ वर्षमा सेफ्स बर्गरले ठमेलको आउटलेटलाई मुख्य फोकस गरेको छ । ठमेलमा डड ब्यान्डले लाइभ म्युजिक प्रस्तुत गर्दैछ । भोकलिस्टमा विनोद राईका साथमा अरू कलाकारले प्रस्तुती दिँदैछन् । लगनखेल र सामाखुशीका आउटलेटमा पनि लाइभ म्युजिक छ । चाबहिल, बौद्ध र बानेश्वरका आउटलेटमा ‘स्पेसल मेनु’ उपलब्ध छ । सेफ्स बर्गरका हालसम्म चाबहिल, बौद्ध, बानेश्वर, हात्तीवन, ठमेल, लगनखेल र सामाखुशीमा आउटलेट खुलिसकेका छन् ।