अमेरिकी शोधकर्ताहरूका अनुसार युक्रेनमाथि आक्रमणको चर्को मूल्य रुसले चुकाउनु परेको छ। उसका ६ सयभन्दा बढी कम्पनी या त बन्द भएका छन्, या कारोबार बन्द गरेका छन्। कतिपय कम्पनीले आफ्नो गतिविधि सीमित बनाएका छन्।
युक्रेन संकटको शुरुवातदेखि नै येल युनिभर्सिटीका शोधकर्ताहरूले रुसका एक हजारभन्दा बढी कम्पनीको अध्ययन गरेका छन्। अध्ययन क्रममा कतिपय कम्पनी रुसबाट बाहिरिएका छन्। केही पश्चिमा मुलुकका कम्पनीहरूले भने अझै रुसमा सामान्य कारोबारमा अल्झेका छन्।
युक्रेन युद्धयता रुसमा कम्पनीहरूको कारोबार जति प्रभावित भएको छ, अध्ययनमा सोही हिसाबबाट तिनीहरूको ग्रेडिङ गरिएको थियो। हेनिकेनदेखि नेटफ्लिक्ससम्म धेरै कम्पनी रुसबाट बाहिरिएका छन्। त्यसरी बाहिरिने कम्पनीलाई ‘ए’ सूचीमा राखिएको छ।
इमिरेट एयरलाइन्स र जेडी डट कमजस्ता कम्पनीलाई ‘एफ’ सूचीमा राखिएको छ। ती कम्पनीहरू रुसमा सामान्य काममा अल्झेका छन्।