कैलाली- चाडपर्व मनाउन भारतबाट फर्कने सुदूरपश्चिमबासीहरुको कैलालीको गौरीफंटा सीमा नाकामा भीड लागेको छ । गौरीफन्टा नाका भएर फर्कनेको सीमा नाकामा भीड बढेको हो ।
सुदूरपश्चिम प्रदेशबाट रोजगारीको लागि भारत जाने नागरिकहरु यति वेला दशै मनाउन भन्दै स्वदेश फर्किरहेका छन् । रोजगारीका लागि भारतको सिम्ला, पुने, मुम्बई, सुरत, दिल्ली लगायतका ठाउँबाट फर्कने नेपालीहरुको बिहानैदेखि नाकामा भीड लाग्ने गरेको छ ।
चाडपर्व मनाउन फर्कनेको सङ्ख्या दिनप्रतिदिन बढेको सशस्त्र प्रहरी बल नेपाल नम्बर ३४ गण हेडक्वार्टर कैलालीका गणपति सशस्त्र प्रहरी उपरीक्षक (एसपी) दलबहादुर पाण्डेयले बताए । नाकामै हेल्प डेस्क स्थापना गरेर स्वदेश फर्किरहेका नेपालीलाई सशस्त्र प्रहरीले सहयोग समेत गरिरहेको एसपी पाण्डेयले बताए ।
सुदूरपश्चिमको विभिन्न जिल्लाबाट धेरैजसो मानिस रोपाइपछि भारतको विभिन्न ठाउँमा स्याउ टिप्नका लागि जाने गरेका छन् । छोटो अवधिका लागि काम गर्न गएकाहरु दशैं, तिहार मनाउन घर फर्कने गरेका छन् । यसैगरी, वर्ष दिन उतै बिताएकाहरू पनि चाडपर्व मनाउन फर्किरहेका छन् ।
चाडपर्व मनाउन फर्कनेहरूको नाकामा भिड बढेसँगै चेकजाँचमा पनि कडाइ गरिएको छ । गौरीफन्टा नाकामा भारततर्फ दुई स्थानमा नेपालतर्फ तीन स्थानमा चेकजाँच भइरहेको जनाइएको छ ।
सशस्त्र प्रहरीले दुई स्थानमा र नेपाल प्रहरीले एक स्थानमा चेकजाँच गरिरहेको छ । धेरै ठाउँमा चेकजाँच गरेर सुरक्षाकर्मीले चेकजाँचको नाममा दुःख दिइरहेको फर्कने कतिपय व्यक्तिले गुनासो गर्ने गरेका छन् ।
भारतबाट धेरैसास्ती खेपेर दशै मनाउन आफ्नो थापथलो फर्किनेहरुले चेकिङका कारण हैरानी खेप्नु परेको बताएका छन् ।
सशस्त्र प्रहरीले दुई स्थानमा र नेपाल प्रहरीले एक स्थानमा चेकजाँच गरिरहेको छ । धेरै ठाउँमा चेकजाँच गरेर सुरक्षाकर्मीले चेकजाँचको नाममा दुःख दिइरहेको फर्कने कतिपय व्यक्तिले गुनासो गर्ने गरेका छन् ।