भारतले हेलिकोप्टरबाट प्रहार गर्न मिल्ने एन्टी-ट्यांक मिसाइलको सफल परीक्षण गरेको छ। स्वदेशमै निर्मित मिसाइल ‘हेलिना’को मंगलबार लद्दाखमा सफल परीक्षण गरिएको हो।

यो मिसाइल हेलिकोप्टरबाट प्रहार गर्न मिल्छ। पूर्ण सरकारी स्वामित्त्वको ‘डिफेन्स रिसर्च एन्ड डेभेलपमेन्ट अर्गानाइजेसन (डीआरडीओ)’ का अधिकारीहरूका अनुसार परीक्षण क्रममा आफ्नो लक्ष्य भेदन गर्न मिसाइल सफल भएको छ। सोमबार पनि उक्त मिसाइल परीक्षण गरिएको थियो।

उक्त मिसाइल भारतमै निर्मित ‘एडभान्स्ड लाइट हेलिकोप्टर (एएलएच)’ ध्रुवमा जडान गरिएको छ। उच्च पहाडी इलाकामा हेलिकोप्टर उडानमार्फत मिसाइल परीक्षण गरिएको हो। परीक्षणमा डीआरडीओ, भारतीय सेना र वायु सेनाका वैज्ञानिकहरूको टिम सहभागी थियो।