पाकिस्तानका पूर्वप्रधानमन्त्री नवाज सरिफका भाइ शहबाज त्यहाँका नयाँ प्रधानमन्त्री निर्वाचित भएका छन्।

नसनल एसेम्ब्लीमा सोमबार भएको मतदानमा तेहरिक–ए–इन्साफका उम्मेदवार शाह महमुद कुरेसीले शून्य मत पाए भए शहबाज सरिफले १७४ मत पाए।

शहबाज विपक्षी गठबन्धनका साझा उम्मेदवार थिए। नेसनल एसेम्ब्लीको बैठक शुरु हुनासाथ निवर्तमान प्रधानमन्त्री इमरान खानको पार्टी तेहरिक–ए–इन्साफका सांसदहरूले सामूहिक राजीनामा घोषणा गरेका थिए।

निवर्तमान प्रधानमन्त्री खानले आफूलाई अमेरिकाले षडयन्त्र गरेर पदबाट हटाएको दाबी गर्दै आएका छन्। आइतबार नेसनल एसेम्ब्लीमा भएको मतदानमा उनीविरुद्ध दर्ता गरिएको अविश्वास प्रस्ताव पारित भएको थियो।