अस्ट्रेलियामा २१ मेमा आम निर्वाचन हुने भएको छ। प्रधानमन्त्री स्कट मोरिसनले आम निर्वाचन घोषणा गरेका हुन्। उनी सन् २०१८ देखि सत्तामा छन्।

मोरिसन नेतृत्वको सत्ता गठबन्धनसँग ७६ सिट छन् र अस्ट्रेलियामा सरकार बनाउन कम्तिमा त्यति सिट आवश्यक हुन्छ।

मत सर्वेक्षणहरू अनुसार आम निर्वाचनपछि अस्ट्रेलियामा सरकार परिवर्तन हुन सक्छ। र, विपक्षी लेबर पार्टी सत्तामा आउन सक्छ। तथापि, अघिल्लो आम निर्वाचनमा मत सर्वेक्षणहरूको आकलनअनुसार स्कट मोरिसनले चुनाव जितेका थिए।

प्रधानमन्त्री मोरिसनले गभर्नर जनरलसँग कुराकानीपछि आम निर्वाचन घोषणा गरेका हुन्। पछिल्ला दिनमा उनी अस्ट्रेलियामा अलोकप्रिय छन्। उनीमाथि विभिन्न आरोप लाग्दै आएको छ। राजनीतिक विश्लेषकहरूका अनुसार नौवटा संसदीय चुनावमा जितपछि यसपटक मोरिसनको ‘लिबरल पार्टी अफ अस्ट्रेलिया’का लागि चुनाव जित्न कठिन छ।