कैलाली- उपप्रधानमन्त्री तथा सहरी बिकास मन्त्री प्रकाशमान सिहंले वास्तविकतामा नगइ स्वतन्त्रता छ भन्दैमा केही भएन भन्ने भाष्य श्रृजना गरिएको बताएका छन् । धनगढी उपमहानगरपालिकाको १० औँ स्थापना दिवसलाई सम्बोधन गर्दै प्रमुख अतिथी समेत रहेका सिहंले बिकासनै भएन भनेर सामाजिक सञ्जालमा लेख्ने र भन्ने कुरा गलत भएको बताएका हुन् ।
केही काम भएन भनेर सामाजिक सञ्जालमा लेख्नेलाई इंगित गर्दै उपप्रधानमन्त्री सिंहले आजभोलीका युवारयुवतीहरु २०४२ सालमा धनगढी कस्तो थियो भनेर एक पटक आमा बुवा अथवा बाजे बज्यैलाई सोध्नु अनुरोध गरे । उनले आटँ गरे धेरै काम गर्न सकिन्छ भन्ने उदाहरण धनगढी बनेको समेत बताए ।
धनगढी उपमहानगरपालिकाले हरघडी नगर प्रहरी, शव चिस्यान सेवा, शव वाहन, वडा स्वास्थ्य क्लिनिक लगायतका जनमुखी कामले अन्य स्थानिय तहलाई समेत प्रेरणा मिल्ने सिंहले बताए ।
धनगढी उपमहानगरपालिकाका प्रमुख मेयर गोपाल हमालले उपमहानगरपालिकाले गरेको गतिविधि बित्तचित्र मार्फत प्रस्तुत गरेका थिए ।
स्थापना दिवसको अवसरमा धनगढी स्मारिका पुस्तक बिमोचन गर्नुका साथै बर्षभरी उत्कृष्ट कार्य गर्ने उपमहानगरपालिका कर्मचारी, सामुदायिक विद्यालयका शिक्षक, विभिन्न तहमा उत्कृष्टता हासिल गर्ने विद्यार्थीहरुलाई नगद तथा प्रमाणपत्रद्वारा उपप्रधानमन्त्री सिंहले सम्मान गरेका थिए ।
