कैलाली- लगातारको वर्षापछि महाकाली नदीमा पानीको बहाव बढेको छ । पानीको बहाव उच्च भएपछि शारदा ब्यारेजमा चार पाङ्ग्रे सवारीसाधन संचालनमा रोक लगाइएको छ ।

महाकालीमा पानीले खतराको सतह नाघेपछि शुक्रबार बिहानै देखि नै शारदा ब्यारेजमा सवारीसाधनको आवागमनमा रोक लगाइएको प्रहरीले जनाएको छ ।

जिल्ला प्रहरी कार्यालय कञ्चनपुरले नदीमा पानीको सतह बढेर एक लाख १२ हजार २०७ क्युसेक पुगेकाले सवारीसाधनको आवागमनमा रोक लगाइएको जनाएको छ ।

शारदा ब्यारेजमा महाकाली नदीमा पानीको सतह एक लाख क्युसेक नाघेपछि चार पाङ्ग्रे सवारीसाधनमा रोक लगाउँदै आएको छ ।