बराहक्षेत्र- बराहक्षेत्र नगरपालिका- ६ स्थित सप्तकोशी नदी किनारबाट इलाका प्रहरी कार्यालय महेन्द्रनगरले आज बेवारिसे अवस्थामा रहेको गाँजा बरामद गरेको छ।
इलाका प्रहरी कार्यालय महेन्द्रनगर सुनसरीबाट प्रहरी निरिक्षक विकाश राईको टोलीले सप्तकोशी किनारबाट ३ वटा ट्यूव माथि ८ वटा सेतो प्लाष्टिकको बोरा भित्र लुकाइछिपाई राखेको अवस्थामा गाँजा बरामद गरी उक्त गाँजा नापतौल गर्दा २४८ किलो रहेको छ ।
यस सम्बन्धमा थप अनुसन्धान भईरहेको प्रहरीले जनाएको छ ।
यस्तै, राहक्षेत्र नगरपालिका१ रुट हुँदै र सप्तकोशी नदीबाट प्रतिबन्धित लागुपदार्थ तस्करी गर्नेहरूको लागि ट्रान्जिट पोइन्ट भईरहेको र लागुपदार्थ (गाँजा) सहित बिरामी बोक्ने एम्बुलेन्स, भारतिय गाडी, अटो लगायत अन्य सवारी साधन प्रयोग गरि ओसारपसार गरिरहेको अवस्थामा मान्छे सहित नेपाल प्रहरी र सशस्त्र प्रहरीले पटकपटक पक्राउ परेको घटनाले पुष्टि गरेको वडा नं १ का वडाध्ध्यक्ष किसन थापामगरले बताए।