काठमाडौं- महिला तथा युवतीहरु आफ्नो अनुहार सुन्दर बनाउन अनेक औषधि तथा कस्मेटिक सामानहरुको प्रयोग गर्ने गर्दछन् । कतिले राम्रो पनि गरेको हुन्छ भने कतिले अनुहार नै कुरुप बनाइदिने अवस्था रहेको छ ।
हुन त अहिलेको समयमा महिलासँगै पुरुष पनि आफू राम्रो देखिन चाहन्छन् । यस्तो अवस्थामा के गर्दा अनुहारमा चम्किलोपना देखिन्छ भन्ने विषयमा अध्ययनहरु गर्दा केही घरेलु उपायहरु अपनाउन सकेमा आफ्नो अनुहारलाई सुन्दर तथा चम्किलो बनाउन सकिन्छ । कति मानिसले आफ्नो आम्दानीको स्रोतअनुसार भनेको जस्तो औषधि वा कस्मेटिक सामानको प्रयोग गर्न पनि गाह्रो परिरहेको छ ।
यस्ता छन् घरेलु उपाय !
यदि कुरुप हुने गरी डन्डिफोर आएको छ भने दिनमा तीन पटकसम्म अनुहार सफा पानीले धुने, डन्डिफोरलाई ननिचोर्ने, दैनिक दुई लिटरभन्दा बढी पानी पिउने, मसलाजन्य परिकारहरु कम खाने गर्नुपर्छ । त्यस्तै मदिरा, चिया, कफी एवं सुर्तीजन्य वस्तुहरुको प्रयोग पनि कम गर्नुपर्छ ।
डन्डिफोर हटाउने विभिन्न घरेलु उपायमध्ये कागती पनि एक हो । एउटा कचौरामा कागतीको टुक्रालाई निचोरेर राख्ने अनि कागतीमा गुलाबजल मिसाउने र आवश्यकताअनुसार अनुहारमा लगाउँदा डन्डिफोरबाट मुक्ति पाउन सकिन्छ। यसलाई १५ दिनसम्म नियमित प्रयोग गर्नु राम्रो मानिन्छ।
डन्डिफोर हटाउने अर्को घरेलु उपायमा कागती, काँक्रो र दूधलाई पनि लिन सकिन्छ। यी तीनै वस्तु दैनिक प्रयोगमा आउने वस्तु हुन्।
यदि सुख्खा र चिसो हावामा लगातार हिँडिएको छ भने यसले पनि अनुहारको चमक हराउने सम्भावना हुन्छ। यदि छाला सामान्यजस्तो छ भने मह र दुध मिसाएर लगाउँदा अनुहारमा चमक आउनुका साथै विभिन्न समस्याबाट टाढा रहन सकिन्छ।
गहुँको छोक्रामा काँचो दुध र मह मिसाएर लगाउँदा अनुहारमा चमक आउँछ।