विद्यालयमा पढ्ने बालिकाहरुलाई यौन दुर्व्यवहार गरेको आरोपमा भरतपुर -१३ मा रहेको माध्यामिक विद्यालय गंगानगरका दुई शिक्षक पक्राउ परेका छन।
महिनौं देखि विद्यालयका छात्रालाई टाउको, हात र संवेदनशिल अंगमा सुम्सुम्याएको घटना बाहिर आए पछि विहिवार विद्यालयमा पुगेका आक्रोशित अभिभावकले दुर्व्यवहार गर्ने शिक्षकलाई हातपात गर्न खोजेपछि प्रहरीले शिक्षक विमल प्रसाद देवकोटा र फणिन्द्र भट्टराईलाई नियन्त्रणमा लिएको हो ।
१७ जना विद्यार्थीहरुले शिक्षक बाट पटकपटक दुर्व्यवहारमा परेको बताएको अभिभावक ज्योति तमाङले जानकारी दिए ।
विगतमा पनि यी शिक्षकहरुले यस्तो घट्ना गरेको र पटकपटक विद्यालय भित्र शिक्षकहरुले मिलाउने गरेको विद्यार्थीको आरोप छ । परिवारले आज दाेषि विरुद्धमा जाहेरी दिदै छन् ।
चितवनको माडीको सोमेश्वर उच्च माध्यामिक विद्यालयमा पनि फागुन २९ गते शिक्षक सुरज लामिछानेले आफ्नो विद्यार्थीलाई दुर्व्यवहार गरेको भन्दै जाहेरी परेको थियो । यो घट्नाको विषयमा समेत प्रहरीले अनुसन्धान हुदै गरेको बताएको छ ।