नयाँदिल्ली- के माटोमा खाली खुट्टा हिँड्दा शरीरलाई लाभ पुग्छ ? धेरैले यसलाई लाभदायक मान्छन्।
यसलाई ‘ग्राउन्डिङ’ पनि भनिन्छ। भारतका ५५औं अर्बपति तथा जोहो कर्पोरसनका सह-संस्थापक तथा सीईओ श्रीधर बेम्बूका अनुसार उनले वर्षदिनसम्म खाली खुट्टा हिँड्ने प्रयास गरे। र, धेरै स्वास्थ्यलाभ प्राप्त गरे।
सुको पैसा खर्च नहुने यो विधिलाई उनी प्राकृतिक सतह तथा पृथ्वीको ऊर्जासँग जोडेर हेर्छन्।
यस्तै, डा. एबी फिलिप्सले ग्राउन्डिङलाई स्युडोसाइन्टिफिक अभ्यास बताएका छन्। त्यसको अर्थ हुन्छ, यस्तो अभ्यास, जो मानिसले वैज्ञानिक तरिका मानेर वर्षौंदेखि गर्दै आएका छन्। तथापि, यसमा कुनै वैज्ञानिक तर्क पाइएको छैन।
ग्राउन्डिङको अर्थ हो, पृथ्वीको सतहमा मानव शरीरको छालाको सीधा सम्पर्क। त्यसमा नांगो खुट्टा हिँड्नु मात्र होइन, खाली हातले जमिन छुँदा पनि यसबाट लाभ प्राप्त हुन्छ। शरीरका अन्य अंगलाई पनि जमिनमा सीधा सम्पर्कमा पुर्याउनुलाई पनि ग्राउन्डिङ भनिन्छ।
हाम्रो शरीर एक बायो इलेक्ट्रिकल सिस्टम हो। यदि शारीरिक रूपमा हामी जमिनलाई सीधा छुन्छौं भने पृथ्वीको इलेक्ट्रिकल इनर्जी हाम्रो इलेक्ट्रिकल इनर्जीसँग जोडिन्छ। र, रिब्यालेन्स गराउँछ।
ग्राउन्डिङको समर्थन गर्नेहरूले पछिल्ला वर्षमा अनेकौं बिमारीहरू बढ्नुमा जुत्ता-चप्पल पहिरिनुलाई कारण मान्ने गरेका छन्। किनकि, जुत्ता-चप्पलमा रबर प्रयोग भएको हुन्छ। र, रबर बिजुलीको कुचालक हो। त्यसैले हाम्रो इलेक्ट्रिकल ऊर्जा असन्तुलित भएर रोगहरू उत्पन्न भएको उनीहरूको तर्क छ।
ग्राउन्डिङ पक्षधरका तर्कहरू
– हाम्रो शरीर बायो इलेक्ट्रिकल सिस्टम हो
– पृथ्वी पनि बायो इलेक्ट्रिकल सिस्टम हो
– त्यसको मतलव दुवै बिजुलीका चालक हुन्
– जमिनसँग शरीरको सीधा सम्पर्क हुँदा इलेक्ट्रिकल इनर्जी सन्तुलित हुन्छ
– त्यसबाट धेरै सम्भावित बिरामीहरूबाट बच्न सकिन्छ
– रबरका जुत्ता-चप्पल पहिरिँदा अनेक बिमारी बढ्छन् भन्ने उनीहरूको तर्क छ
– कारण- रबर विद्युत कुचालक हो र त्यसबाट इलेक्ट्रिकल सन्तुलन कायम हुँदैन
यी हुन् आउटडोर अर्थिङका उत्तम तरिका
– जमिन र घाँसमा खाली खुट्टा हिँड्ने
– धुलो, घाँस र बालुवामा केहीबेर बस्न र सुत्न सकिन्छ
– कुनै कुर्सीमा बसेर खाली खुट्टा जमिनमा छुन सकिन्छ
– प्राकृतिक जलस्रोतहरूमा पौडिएर या शरीर डुबाएर आराम गर्न सकिन्छ
– माटोलाई हातले छोऊँ र माटोसँग खेलौं