दार्चुला– दार्चुलाबाट लागूऔषध (खैरो हेरोइन) सहित ३ जना पक्राउ परेका छन् ।

जिल्लाकाे शैल्यशिखर नगरपालिका वडा नम्बर ९ गोकुलेश्वरबाट खैरो हेरोइनसहित ३ जना पक्राउ परेका हुन् । पक्राउ पर्नेमा बिरेन्द्र चन्द, जगदिश कोली र सुरज महर रहेको जिल्ला प्रहरी कार्यालय दार्चुलाले जनाएको छ ।

जिल्ला प्रहरी कार्यालयका सूचना अधिकारी ज्ञानेन्द्रबहादुर सिंहका अनुसार मोटरसाइकलमा सवार उनीहरु ९८० मिलिग्राम खैरो हेरोइनसहित पक्राउ परेका हुन् ।

यस सम्बन्धमा थप अनुसन्धान भइरहेको प्रहरीले जनाएको छ ।