सुनसरी– ‘सुप्रिया तत्काल बेड भर्ना, आर्थिक सहयोगका लागि परिवारको आग्रह’ शीर्षकको समाचार २० साउनमा नेपाली हेडलाइनमा प्रकाशित भएपछि बिरामीलाई धमाधम सहयोग जुट्न थालेको छ।
बराहक्षेत्र नगरपालिका-२ सिंहदेवी टोल बस्ने अर्जुन पोखरेलकी ८ वर्षीया छोरी सुप्रिया बिरामी भई कान्ति बाल अस्पतालमा महाराजगञ्ज काठमाडौंमा उपचार र चेक जाच गर्ने क्रममा (Autoimmune Encephalitis) (मष्तिस्क) मा समस्या देखिएपछि डाक्टरले तत्काल सुप्रियालाई तत्काल बेड भर्ना गरेर उपचार गर्नुपर्ने बताएका थिए।
केही समयदेखि पिङकु वेडमा भर्ना गरि उपचार गर्दै आइरहेको र ऋण खोजेर छोरीलाई काठमाडौंमा उपचार गर्दै आएको बुबा अर्जुन पोखरेलले बताए। आफुसँग भएको रकम सिद्धिसकेको हुँदा आर्थिक अभावमा बिरामीको हजुरआमा, उनी र छोरीको उपचार बिचल्ली परेको उनले बताए।
बयरबन सामुदायिक वन उपभोक्ता समिति लगायत देश-विदेशमा रहेका बराहक्षेत्रवासीको उक्त समाचारले ध्यानाकर्षण भएको थियो। समाचार पढेपछि बयरवन सामुदायिक वन उपभोक्ता समितिका अध्यक्ष पुष्पदीप पौडेललगायत समितिका अन्य पदाधिकारीहरूले अर्जुन पोखरेलको आफन्त उमेश बरुवाललाई समितिको तर्फबाट १० हजार १०५ रुपैयाँ सहयोग उपलब्ध गराएका छन्।
समाचार पढेपछि बराहक्षेत्र-१ चतरा निवासी हाल यूएईको अबुधावी बस्ने सामाजिक अभियन्ता दिलिपकुमार रायले ५ हजार रुपैयाँ सहयोग गरेका छन्।
बराहक्षेत्र निवासी पत्रकार हिमाल राईको सक्रियतामा आर्थिक सहयोग जुट्न थालेको हो। आर्थिक सहयोग पाएसँगै सुप्रियाको उपचारमा राहत मिलेको बुबा अर्जुन पोखरेलले बताए।
यी हुन् मनकारी दाताहरू:-
-बयरवन सामुदायिक वन उपभोक्ता समितिले १० हजार १ सय ५ रुपैयाँ
-बराहक्षेत्र-२ घर भई हाल हङकङ बस्ने भिमा तामाङको मध्यस्थतामा विदेश बस्ने नेपालीबाट १० हजार रुपैयाँ
-बराहक्षेत्र नगरपालिका-२ सिंहदेवी टोल घर भइ विदेशमा बस्ने तारा कार्कीले ९ हजार १ सय २ रुपैयाँ
-बराहक्षेत्र-१ चतरा निवासी हाल यूएईको अबुधावी बस्ने सामाजिक अभियन्ता दिलिपकुमार रायले ५ हजार रुपैयाँ
-सिंहदेवी टोल बस्ने सुरेन्द्र राउतले १ हजार
-सुमित्रा कटुवाल १ हजार
-श्याम खड्का ५ सय रुपैयाँ