काठमाडौँ । घर पोत्ने माटो खन्ने क्रममा ढिस्कोले पुरिएर एक महिलाको मृत्यु भएको छ । अछामको मंगलसेन नगरपालिका ७ की धनसरा जैशीको माटो खन्ने क्रममा ढिस्कोले पुरिएकी हुन् ।

चैते दशैँका लागि घर लिप्ने माटो खन्ने क्रममा ढिस्को खस्दा उनको ज्यान गएको जिल्ला प्रहरी कार्यालय अछामले जनाएको छ ।

घटनामा घाइते भएकी ४ वर्षीया बालिका चन्द्रा जैशीको जिल्ला अस्पताल मंगलसेनमा उपचार भइरहेको प्रहरीले जनाएको छ ।