बराहक्षेत्र- अविरल वर्षाका कारण प्रसिद्ध बराह क्षेत्र मन्दिर जाने सडक अवरुद्ध हुँदा बराह जयन्ती मनाउन हिँडेका यात्रीहरुलाई समस्या भएको छ।

लगातारको अविरल वर्षाका कारण बराहक्षेत्र मन्दिर जाने बाटो अवरुद्ध भएपछि बराह जयन्ती मनाउन हिँडेका धार्मीक यात्रिहरु विच बाटोमा रोकिरहेका छन्।

१७ नम्बर भिर लगायत ठाउँ ठाउँ ठूलो पहिरो खसेपछि सडक यातायात अवरुद्ध भएको सडक विभाग साइट सुपर भाइजर राजु कटुवालले जानकारी दिदै भने वारीपारी २ वटा जेसिवी स्टेशन वाइ रहे पनि ठुलो पहिरो झरेको कारण हटाउने प्रयास भइरहेको छ,पहिरो झरिरहेको छ‘आज हटाउन सकिदैन,जेसिवी पनि रोकिदै काम गर्नु अवस्था रहेको छ ।

ईलाका प्रहरी कार्यालय चक्रधटीका प्रमुख प्रहरी निरिक्षक बिकास राईका अनुसार बराहक्षेत्र मन्दिर जाने बाटोमा निरन्तर पहिरो लगायत ढुङ्गा झरेको कारण हिडेर जान सम्भव नभएको हुदा, मन्दिर जान हिडेका यात्रुहरुलाई सम्झाईबुझाई रोकि रहेको छ । बाटो अवरुद्ध भए पछि बराह जयन्ती मनाउन हिँडेका सयौ संख्याका यात्रीहरु बीच बाटोमै रोकिदा गन्तव्य सम्म पुग्न नसक्दा अलपत्र परेका छन् ।

वडा नं १ का अध्यक्ष किसन मगरका अनुसार बराह जयन्ती मनाउन, दर्शन तथा धुमफिर गर्ने सोचमा रहेकाहरुले आज बराह क्षेत्र मन्दिर जाने कार्यक्रमलाई स्थगित गर्न धर्मालम्वीहरुलाई आग्रह गरेका छन् ।