बराहक्षेत्र– सुनसरीको बराहक्षेत्र नगरपालिका-२ तेह्रआडीबाट भोजपुरको हतुवागडी-९ घर भई हाल बराहक्षेत्र-२ पुनर्वासमा बस्दै आएका ३३ वर्षीय कृष्णकुमार राईलाई प्रतिबन्धित लागुपदार्थ ब्राउनसुगर सहित प्रहरीले पक्राउ गरेको छ।
बा५६प ६९३५ नम्बरको स्कुटरमा सवार राईलाई शंका लागि प्रहरीले चेकजाँच गर्दा उनको साथबाट ५३० ग्राम लागुऔषधसहित पक्राउ गरेको इलाका प्रहरी कार्यालयका प्रमुख प्रहरी निरीक्षक विकास राईले बताए। राईलाई सुनसरी जिल्ला अदालतबाट ५ दिनको म्याद थप गरि अनुसन्धान भइरहेकाे उनले बताए।
त्यस्तै बराहक्षेत्र-८ शिवशक्ति थापा टोल बस्ने २७ वर्षीया एलिसा महतो आफ्नै कोठाबाट प्रतिबन्धित लागुऔषध ट्रामाडोलसहित पक्राउ परेकी छिन।
महतोको घरमा खानतलासी गर्दा निजको कोठाबाट लागूऔषध ट्रामाडोल ८२६ क्याप्सलु र विभिन्न दरका नेपाली रूपैया २ हजार ३८० फेला परेको प्रहरीले जनाएको छ। महतोलाई पक्राउ गरि कानून बमोजिम कारबाही अगाडि बढाइएको थप अनुसन्धान भईरहेको निरिक्षक राईले बताए।