काठमाडौँ । प्रधानमन्त्रीको सरकारी निवास बालुवाटारमा सत्ता गठबन्धन दलको बैठक सुरु भएको छ । आगामी वैशाख ३० गते हुने स्थानीय तह निर्वाचनका बारेमा रणनीति बनाउन गठबन्धन दलको बैठक सुरु भएको हो ।

सरकारले आगामी वैशाख ३० गते एकैपटक देशभरका सबै स्थानीय तहमा निर्वाचन गर्ने तयारी गरेको छ । उक्त निर्वाचनमा सरकारमा रहेका पाँच दलहरूले चुनावी तालमेल गरेर उम्मेदवार उठाउने तयारी गरिरहेको छ ।

सत्ता गठबन्धनमा नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी (जसपा) र राष्ट्रिय जनमोर्चा रहेका छन् ।

गठबन्धनबाहेक अन्य दलसँग चुनावी तालमेल गर्न नपाइने सैद्धान्तिक सहमति गर्ने तयारी भइरहेको छ ।