काठमाडौँ । बिहीबार बिहानै मन्त्रिपरिषद्को बैठक बसेको छ । प्रधानमन्त्रीको सरकारी निवास बालुवाटारमा मन्त्रिपरिषद बैठक बसेको हो ।

आज बिहान ८ः३० बजेबाट मन्त्रिपरिषद बैठक बसिरहेको बालुवाटार स्रोतले जनाएको हो । प्रधानमन्त्री देउवा भोलि छिमेकी मुलुक भारतको दुई दिने भ्रमणमा निस्किँदै छन् । त्यसैले आज बिहानै मन्त्रिपरिषद्को बैठक बसेको हो ।

आजै बिहान १०ः३० बजे सत्ता गठबन्धन दलको बैठक बस्ने भएको छ । गठबन्धनको बैठक बस्नुअघि देउवाले मन्त्रिपरिषदको बैठक बोलाएका हुन् ।

स्थानीय तह निर्वाचनको आचारसंहिता लागू हुने भएकाले आजको बैठकले केही महत्वपूर्ण निर्णय तथा नियुक्त हुने जनाइएको छ ।