नयाँदिल्ली- ६ मे २०२२ मा भारत केरलाको के कोल्लम जिल्लामा टोमाटो फ्लूको पहिलो केस पुष्टि भयो।
यस्तै, २६ जुलाई २०२२ मा केरलामा पाँच वर्षभन्दा कम उमेरका कुल ८२ बालबालिकामा टोमाटो फ्लू पुष्टि भयो। सोही वर्ष २३ अगस्टमा भारतमा एक सयभन्दा बढी केस पुष्टि भए। केरलासँगै उडिसा, तमिलनाडु र हरियाणा राज्यमा पनि टोमाटो फ्लू फैलिने गरेको छ। उक्त फ्लूका सबैभन्दा बढी बिरामी उडिसामा देखिने गरेका छन्।
केन्द्रीय स्वास्थ्य मन्त्रालयका अनुसार सबै राज्यमा ‘टोमाटा’ फ्लूसँग सम्बन्धित जानकारी दिइएको छ। यस रोगको लक्षण, बच्ने उपायबारे सर्वसाधारणलाई सजग गरिएको छ।
के हो टोमाटो फ्लू ?
शरीरका विभिन्न भागमा टमाटर रङका स-साना फोका आउँछन्। शुरुवातमा फोका सानो आकारको भए विस्तारै आकारमा वृद्धि भई टमाटरजस्तो देखिन्छ। जसकारण यसलाई टोमाटो नाम दिइएको छ।
टोमाटो फ्लू कुनै छुट्टै वा नयाँ प्रकारको रोग होइन। यो हात, खुट्टा र मुखको रोग हो। सामान्यतया साना केटाकेटीहरू यो रोगको शिकार हुन्छन्।
धेरैमा यो टमाटरबाट लाग्ने रोग हो भन्ने भ्रम छ। तर, यो फ्लूको टमाटरसँग कुनै साइनो र सम्बन्ध छैन।