कैलाली- महाकाली नदीमा पानीको बहाव बढेपछि शारदा ब्यारेजको बनबासा पुलमा आवागमन बन्द गरिएको छ ।

पहाडी क्षेत्रमा लगातार भएको अविरल वर्षाका कारण महाकालीमा पानीको बहाव बढेपछि आइतबार बिहानदेखि सवारी साधन आवागमन बन्द गरिएको हो । प्रहरीका अनुसार महाकाली नदीमा आज बिहानसम्म पानीको बहाव १ लाख ५ हजार क्युसेक प्रतिसेकेन्ड पुगेको छ ।

झण्डै सय वर्षअघि बनेको बनबासा पुल जीर्ण भएका कारण पानीको बहाव १ लाख क्युसेक प्रतिसेकेन्ड नाघ्नेबितिक्कै सवारी साधन आवागमन बन्द गरिन्छ ।

पुलमा ठूला सवारीसाधन मात्रै नभई साइकल र मोटरसाइकल आवागमन समेत बन्द गरिएको प्रहरीले जनाएको छ ।